Ampura, sereg kruna (kata kunci) sane keseliksikin "" ring blog puniki nenten madue hasil. Malihcingakin artikel sane lianan.

Natah Nyinahang sereg kruna ""

Tuesday, May 28, 2019

Ajengan Kuliner ring Buleleng sane Patut Kacicipin

  Author : Anton     No comments
May 28, 2019





Om Swastiastu.

Ajengan Kuliner ring Buleleng sane Patut Kacicipin, Kabupaten Buleleng ten wantah kasub antuk lumba-lumba sane wenten ring Pantai Lovina. Semeton sane singgah utawi meselancaran ka Kabupaten Buleleng miwah kappangguh antuk akeh ajengan kuliner khas. Yadin ajengan kuliner Buleleng kacingak sawentene lan tradisional, nanging niki mekada semeton patut nyicipin. Napi malih ajengan punika? Ring sor puniki kidik rekomendasi ajengan yening semeton melancaran ka Kabupaten Buleleng.

   1. Jukut Undis.



Yening ring Basa Indonesia, kruna Jukut Undis maderbe arti  “Kacang Hitam”. Ajengan puniki sujati malakar antuk Kacang Hitam (Undis) lan dados ajengan pejangkep ring akeh masakan Kabupaten Buleleng utawi ring Bali sekadi nasi campur, sudang lepet, msl. Yening semeton ngajeng masakan Buleleng durung jangkep yening ten wenten jukut undis. Semeton dados ngerereh jukut undis puniki ring Restoran/Warung Makan daerah Buleleng. Antuk harga, naur makisaran Rp. 5000 – Rp. 7000.


2. Blayag Buleleng


Yening kacingak, ajengan puniki sakadi pecel, nanging cita rasa sane lianan dwaning Blayag Buleleng nenten nganggen basa kacang, minakadi nganggen kuah kuning khas Bali. Ring jerone medaging jukut toge, bayam, suwiran, kacang tanah sane manyah-nyah, taluh malablab, miwah bawang manyah-nyah. Ketahnyane, yening ngajeng Blayag kantun taler peyek. Antuk harga, naur makisaran Rp. 7000 – Rp. 12.000.

 3. Sudang Lepet


Kruna sudang lepet yening literal Basa Bali, kruna “sudang” maarti “Ikan asin” ngelantur kruna “Lepet” maarti “sial”. Yening kaiket antuk kruna Sudang Lepet maderbe arti “Ikan asin yang sial”. Sapa sira sane micayang wastane punika  makade Sudang Lepet kejana nuraga. Ring Buleleng, ajengan puniki peanggen pejangkep ajengan nasi campur utawi nasi urap. Ulam (be) niki manyah-nyah asat (kering) lan renyah. Dados pejangkepne ipun kadiginin jukut undis. Yening semeton minab numbas Sudang lepet ring Buleleng, antuuk hargane naur kisaran Rp. 15000 – Rp. 20000 kemanten.


             4. Siobak Khe Lok


Yening selehin minab panegara, ajengan siobak sakewanten ajengan khas kuliner Tionghoa sane sampun wenten ring bali saking arsa 60-an. Ajengan puniki malakar antuk be celeng (daging Babi). Makesami dados kaolah saking awak celeng sakadi kulit, daging, tulang, miwah jeroane ipun. Daging babi (celeng) puniki kapertama klab-lab sareng kecap manis, kecap asin, miwah basa genep. Ngelantur, daging sane sampun kalablab kairis tipis-tipis, kaungguh ring piring miwah sareng kerupuk kulit babi sane renyah. Kajengkapin antuk basa spesial mawarna coklat tua sane kasub antuk basa Siobak. Sepiring siobak niki kaungguhin toping marupa acar timun miwah taburan tabia matektek (cincang). Basa special Khe Lok niki makomposisi tabia sane sampun kablender kacampur uyah (garam) kalablab sareng tauco, kaldu babi, miwah rempah sane lianan.
Wastan Siobak Khe Lok puniki sampun dados trade mark Kuliner Kota Singaraja mawit kerana cita rasa bumbu sane gurih. Yening semeton ngerereh ajengan puniki wenten ring Jalan Surapati, Kampung Baru. Antuk harga Rp. 22000 + Es Jeruk.

5. Sate Plecing.


    Sate lilit utawi sate plecing dados ajengan khas yening semeton singgah ka Buleleng. Sate Plecing malakar antuk be celeng (daging Babi) katusuk kadadiang sate kabakar duur arang. Sate plecing puniki masagi antuk sambal lalah merah. Rasa gurih manis katimpalin lalah miwah rasa daging Babi kabakar dados ciri khas Sate Plecing. Pengolahan-nyane sate puniki sadurung kabakar, kapolesin antuk basa genep, kabakar duur arang, sesampune kabakar, kacampur antuk basa plecing sane didominasi tabia barak (cabe merah). Antuk harga naur kisaran Rp. 15.000 – Rp. 25.000.

   Punika wantah rekomendasi ajengan minakadi semeton malancaran ka Kabupaten Buleleng,  yening semeton polih rekomendasi ajengan Buleleng sane lianan, dados surat kemanten ring komentar. Ten iwang titiang nunas kritik miwah pemineh (sane) sane ngewangun blog puniki. Suksma.

Om Santih, Santih, Santih, Om

#makanan kuliner #makanan khas Buleleng

Kasurat olih
Waca Selanturnyane ..

Thursday, June 7, 2018

Bajang Jones Ngae Gumi Panes : Satua Bawak Bahasa Bali

  Author : Anton     1 comment
June 07, 2018


Om Swastiastu, ring jeroning mangkin, tyang jagi micacarang ngeninin Satua Bawak Bahasa Bali Modern sane sekadi mangkin anggen megeguyonan, boya je satua puniki  wantah fiktif belaka. Nggih resepang drama puniki ring sor.

 BAJANG JONES NGAE GUMI PANES

Risedek dina, soma kliwon, wuku kuningan di sekolah,, kacarita wenten teruna bajang kalih diri sane sedek kalangon mabligbagang ring ruang kelas sambari nyantos suwaran bel sane nyihnayang pacing budal. Inggih puniki kirang langkung pabligbagan ipun sareng kalih.

Mang Kelepod : Inget-ingetan cang ibi lali-lalian di sisin rurunge jak tunangane ..
Putu Sumangah : ngudiang sisin jalane? Ngelah tunangan?
Mang Kelepod : Ngelah, tapi tunangan timpal. Kan ada cecimpedan ngorahang  “Pacarmu adalah pacarku, pacarku bukan pacarmu”
Putu Sumangah : nuutin Tat Twam Asi, to.
Mang bentir : cang galau sajan ne, nyingakin timpal-timpal cang be ngelah tunangan .
Putu Sumangah : badah, sabar cuk. Tyang ke kantin malu Mang.
Mang Bentir : be, timpalne nu galau kalahina. Nasib-nasib. Kanggoang be dini nganggur. Ngilangang hati sepi.
Lantas teke Made Dulang teken Wayan Gondang magpaagin Mang Kelepod.
Made Dulang : apa to Tat Twam Asi – Tat Twam Asi?
Wayang Gondang : Bah, penistaan ne.
Nyoaman Kelepod : Ing, mecanda bedik-bedik.
Sesampun nika, munyi suwaran bel sane nyihnahang pacing budal.
Putu Sumangah : beh, be bel mulih, rage malunan nah.
Wayan Gondang : Nah, hati-hati bos.
Made Dulang : eh, mai ye jep. Ada event baru minjep.
Nyoman Kelelpod : Kenapa?
Wayang Gondang : Mai ngelau. (sambilange kisi-kisi)
Nyoman Kelepod : apa, sing dingeh?
Wayan Gondang : Mai ngelau (suarane agak ngerasang)
Nyoman Kelepod : apa, sing dingeh cang?
Wayan Gondang : Mai ngelau (suara keras)
Nyoman kelepod : oo, ngelau.
Made Dulang : Ngelauwak maksudne.
Wayan Gondang :Nyanan ngidaang apa sing?
Nyoman Kelepod : beh, ukuran kal sing baange.
Made Dulang : beh, orahang gen ngae tugas.
Nyoman Kelepod :  dadi masih.
Wayan Gondang : Mai mulih be, pang makeloan maan ngelau.
Raris, Wayan Gondang, Made Dulang, lan Nyoman Kelepod budal. Sesampun nangked ring umah, Nyoman Kelepod sirep ajebos, lantas aliha ajak Wayan Gondang lan Made Dulang.
Wayan Gondang : Maaaannn!!!
Made Dulang : Maannn !!!!
Men Cublak : nggih, antiang ajebos. Wenten napi ?
Wayan Gondang : tyang ngalih Nyoman kelepod, ngae tugas nike.
Men Cublak : Nyoman kelepod kari sirep, antosang nggih.
Wayan Gondang : nggih.
Lantas, Men Cublak nundun Nyoman kelepod sane asyik sirep.
Men Cublak : Man, bangun, aliha teken timpale.
Nyoman kelepod : badah, be aliha, telat ne (sambilange merem milpilang buku)
Men Cublak : Sing di jumah ngae tugas Man?
Nyoman kelepod : sing me, di markas kal ngelau, ngae tugas maksudne.
Men Cublak  :dija to markas (sambilang heran)
Nyoman Kelepod ; Me, dadi abe kripike abungkus?
Men Cublak : de Man, kal anggo banten.
Nyoman Kelepod : Me, cang kal mejalan.
Men Cublak : Man, jani sing ……
Lantas Nyoman Kelepod melaib pesu magpagin Wayan Gondang lan Made Dulang, langsung capcus. Disubane keto, Men Cublak ngenehang pianakne paling bagus Nyoman Kelepod.
Men Cublak : duh, ngelah pianak jeg bengkung gati, tawange rahinan, payu masih pesu.(sambilange maselselan)
Ring margi, jake telu nutur lan macerita.
Wayan Gondang : bos, malunan be nah, rage kal meli yakult malu.
I Nyoman Kelepod : nah, mu nake.
Made Dulang : lebihin meli Yakult Bali. Hahaha (kedek sinis)
Raris Made Dulang lan Nyoman Kelepod nangked di tempat markas tujuan.
Nyoman Kelepod :  bi, cang jeg kene-kene gen idupe, padahal cang sai ngendingang lagu partai Pelindo ane gerakan perubahan, kenkenang kal berubah, cang sing taen ngelah tunangan, sing care timpal-timpale.
Made Dulang : seken, dot kal berubah ngasanin hal baru?
Nyoman Kelepod : apa to ?
Lantas teke Wayan Gondang ngabe botol AKUA.
Made Dulang : be kelebihin meli bos?
Wayang gondang : be, ketraktir be jani.
Nyoman kelepod : apa to.
Made Dulmang : Minuman tradisional anggo ngilangang sebet.
Wayan gondang : coba je inem Man!.
Nyoman kelepod : cang sing baange nginem tawah-tawah buin, soalne be maan nginem roiko, baiclin, baygon, jak superpel.
Made Dulang : cepok gen, aman 100% care minuman biasa. Contohina je.
Nyoman kelepod : dadi masih.
Lantas I Nyoman kelepod nginem minuman ane madan tuak Bali.
Nyoman Kelepod : adi goloh asane mare nginemne. Jaan ne.
Wayang Gondang : ne buin, penyalah bedik. Kita harus sharing dan berbagi karena berbagi itu berkah.
Nyoman Kelepod : dadi masih.
Kanti sanje, ajake telu punyah berat, terutama Nyoman kelepod.
Made Dulang  : rage ngabe cekitan asanange.
Nyoman kelepod : Meme cange ngorahang maceki to haram. Sangkale cang sing taen nyobakin (punyah 89%)
Wayan Gondang : pesuang nake kartune.
Made Dulang : ajaan rage ngabe domino.
Wayan Gondang : mai main.(sambilange nginem tuak setengah botol)
Made Dulang : misi tohan’ne?
Wayan Gondang : dadi, nyen buin ngidih tuak?
Made & Nyoman : buin..
Kanti tusing inget awak, ajake telu terus punyah, lantas Putu Sumangah ngeliwat magpagin Nyoman Kelepod.
Putu Sumangah ; adi asanage Nyoman Kelepod to, ngudiang je adi di samping setrane ngoyong. Oee,
Made Dulang : sampean sopo iki?
Wayan Gondang : asanange timpal akelas.
Nyoman Kelepod : ngalih masalahne.
Putu Sumangah : pemacekan Agung jani.
Made Dulang : amati Lelanguan? Nyepi jani?
Wayan Gondang : Galungan Kaden.
Putu Sumangah : mai, rage malunan, pang sing enggalan alih bhuta kala nyen.
Lantas, ajake telu ento tepar di jalan.
Nyoman Kelepod : apa orahange busan to?
Wayan Gondang : Pemacekan Agung orahange.
Made Dulang : apa, Pemacekan Agung? Rage malunan balik bos.
Wayan Gondang : santai gen.
Made Dulang : pang sing alih bhuta kala nyen.
Wayang gondang : apa, bhuta kala?
Nyoman kelepod ; santai gen, nyen masih dadi bhuta kala.
Men Cublak paling ngalihin Nyoman kelepod di jalane. Laut tepukina punyah
Men cublak ; bah, adi dini pianak meme ane paling bagus.
Nyoma kelepod : cang kan mula bagus, Me.
Men Cublak : adi kene pianak meme jani, sube sandikaon sing mulih, paling meme ngalihin.
Nyoman kelepod : cang busan ngelau ajak timpale.
Men Cublak : aduh ratu betara, adi kene jani paianak mem. Mai mulih malu, sing tawange soma pemacekan Agung jani.
Nangin Nyoman kelepod raris pingsan.
Men Cublak : mimih, Nyoman kelepod (sambal berteriak)
Men Cublak ngidih pitulung teken anake lewat, makesami Nyoman Kelepod langsung ajake mulih. Men Cublak ngeling masig-sigan. Benjangane, Nyoman Kelepod sadar teken kejadiane ane dibi, Nyoman kelepod langsung ngalih meenene di ruang tamu.
Nyoman kelepod : me .. (sambal nguntul)
Men Cublak : kenapa Man? (sambilange ngeling)
Nyuoman Kelepod : cang jani ngerti.
Men cublak : apa Man? Apane be misi?
Nyoman Kelepod : cang jani be ngerti teken arti idup.
Men cublak : aduh cening, meme inguh pisan. Ngelah pianak care cening, pidan cening tusin kene, kuwala kena pengaruh timpal, hancur masa depan ceninge.
Nyoman kelepod : cang ngidih pelih, Me, cang kal sing keto buin. Cang janji.
Men Cublak ; yadiastun cening liu ngelah pelih, cening nu pianak meme ane paling kesayangang.
Lantas Nyoman kelepod ngeling masig-sigan kerana mare sadar teken solah sane jele. Iraga dados anak muda generasi muda, ampunang galau, apalagi ngulurin indria, jaman jani sampun jaman kaliuga, makejang parilaksana sane jele tepuk melah. Ampunang galau, kerana Galau ngeranayang surau.

================================ PUPUT ===========================

 Asapunika Satua Bawak sane tyang kebaktayang, yening polih iwang utawi salah, tyang sanget mengapti kritik miwah saran jeroning artikel-artikel tyang ring Basa Bali.
Suksma, Om Santih, Santih, Santih, Om

Kasurat olih
Waca Selanturnyane ..

Ngutang Kandik Nuduk Jaum : Drama Bahasa Bali

  Author : Anton     No comments
June 07, 2018




Om Swastiastu, ring jeroning mangkin, tyang jagi micacarang ngeninin imba indik Drama Bali Modern sane sekadi mangkin anggen megeguyonan, boya je drama puniki wantah fiktif belaka. Nggih resepang drama puniki ring sor.


Ngutang Kandik Nuduk Jaum

Kacritatayang, ada anak teruna sane jemet. Ngewai-wai, ia mekarya dados kuli ring desa paak alas. Rasa miris teke yening nyingakin timpal-timpalne ngajak tunangan sanje-sanje lewat bale banjar desa. Sedek dina anu, ia luas ke alase kal ngandik saang.
Ngurah : Aduh, kanggoang pedidian. Tyang jemet kuwala tusing ada ne ngenyakin. Apa kerana
  tyang kuli, tyang daki, ngewai-wai ngalih nasi. Haha, jani tyang kuli sing nawang
  nyanan bisa dadi Menteri. Antiang luh …
Saget, ada Raksasa sane ningeh Ngurah mesesimbing pedidian. I Raksasa lantas magpagin Ngurah tatkala Ngurah ngandik saang.
Raksasa : Hee .. adi melselan keto anak nguda ..
Ngurah makesyab pagpagin Raksasa, langsung mengkeb ring bet-bet’e.
Ngurah : Ampunang tyang Raksasa, tyang driki ngandik saang manten.
Raksasa : Tusing kenapa. Suud masebet. Ada dedari di sisin tukade ditu. Orahina je pang bakat
    dedarine ne to.
Ngurah : Kenkenang carane Raksasa?
Raksasa : Ditu jemak selendange ane kejange di batune. Apang tusing ngidaang mulih ke
    kayangan.
Ngurah : Suksma Raksasa informasi sane ke icen.
Raksasa : Ingetang nyanan idihang no wa ne ..
Ngurah : Siap Raksasa.
Lantas, Ngurah ngelantur ke sisin tukade ngintipin dedari sane orahina teken Raksasa. Di subane keto, I Raksasa ngelah keneh jele tekening Ngurah. I Raksasa takut yening maakin dedari pedidian. Takut sing terimane. Penyingakane Ngurah makunang-kunang tumben nepukin anak Luh Jegeg, mengapti dados tunangane jebos. Ngurah inget tekening pepesen Raksasa nyemak selendang Ni Dedari. Lantas, ditu sube ia mesesolah nyemak selendang Ni Dedari.
Dedari  : Dija selendang tyange ane dini? Padahal duur batune ke genahang. Hmm, baang sube, nyanan mesen buin di Tokopedia.
Lantas Ngurah langsung nyinahang raga sambil makta selendang Ni Dedari.
Ngurah  : Ehem, niki selendange Dedari.
Dedari  : Iye, suksma gus. Sire wastane?
Ngurah : Tyang Ngurah Artana. Men ragane sire?
Dedari : Ni Dedari.(sambil mesalaman)
Ring dinane mangkin mentik rasa tresna Ngurah tekening Ni Dedari saking wawu makenalan. Gelis atiban suba mejalan, tatkala Ngurah ngandik saang, wenten anak lingsir nunas petulungan. Ngurah langsung nyagjag nulungin.
Ngurah  : Wenten napi Ki?
Kaki       : tulungin kaki Gus, to ada lelipi di tengah jalane.
Ngurah : Nggih, tyang demprat mangkin.
Ngurah langsung ngubes lelipi pang tusing ngelingkeh di tengah jalane. Sesampune nika, I Kaki ngaturang suksma tekening Ngurah.
Kaki    : Suksma Gus, sampun nulungin kaki. Yening tusing ada nulungin kaki, kaki ten purun
  mantuk. Sekadi rasa suksmaning ipun, niki bakta karunge. Pesung isin karunge angge tolak- bala yening wenten parindikan sane kaon.
Ngurah : Suksma Ki. Meriki tyang ateh mantuk.
Kaki      : Sampunang Gus. Tyang midep adiri.
Ngurah : Nggih Ki, ten kenapa.
Kacerita jani di subane sandikala, I Ngurah ngajak Ni Dedari ngajeng Bakso Siap 100% Sukla ring delod pengkolan jalan. Ditu ya sambil ngorta.
Ngurah   : Nguda iluh demen teken tyang?
Dedari  : ada deh .. oh saje, pidan iraga nganten?
Ngurah : Pidan-pidanan, hehe..
Dedari : yen be nganten tyang lakar dadi dokter, artis, penyanyi, pramugari, miwah sane lenan.
Ngurah : toong, kanggoang nyaga warung.
Ditu I Raksasa ngintipin matunangan jak dua. Lantas Raksasa magpagin I Ngurah.
Raksasa : Hey, cai manusa.. sing satya ngidihan no wa. Sebenehne raga makatang Ni Dedari. Tusing cai. Mai abe Ni Dedari.
Ngurah  : De nake keto bos. Nak sing ngelah wa ye. Ngelah ig gen.
Raksasa : wa jak ig patuh gen. Jani mai abe Ni Dedari. Nyanan sing ketulungin attack musuh di Mobile Legendne.
Ngurah  : Moba kok analog.
Raksasa : buin cepok mesaut, kepanggang cai Ngurah.
Dedari   : Tyang takut.
Ngurah : Melaib luh, baang tyang dini ngelawan Raksasa.
Dedari  : Yen bli mati, tyang nyanan ajak nyen? (tusing lascarya ngelesang mejabatan tangan)
Ngurah : to ajak I Raksasa. Mengkeb alu Luh.
Dedari  : iihh, ok, fiks, fiks, fine, tyang kal mengkeb.
Ditu lantas Raksasa mesiat ngelawan Ngurah. Nanging Ngurah tusing kuwangan akal ngelawan Raksasa. Ngurah inget tekening apa pepesen I Kaki. Ditu lantas ia mesung sekebedik isin karung sane dados penolak bala.
Ngurah : Mai, ngajeng godoh malu Raksasa. Pang sitengan abedik.
Raksasa : Sing, sing demen godoh, cai masih kal keamah. Hahaha.
Ngurah : Aruh, kenkenang tyang ngelawan raksasa kene gedene. Oh, saja, mare inget pepesen I Kaki ane waktune.(nyeluk karung), Adi misi tabia. Rasayang ne serangan tabia Indofood.
Raksasa : aw..aw..aw.aduh..aduh.. (mendengkik sengsara)
Saget langsung punyan-punyan di sisi bah.
Ngurah   : Kasian deh lho.
Raksasa  : Hahahaha. Tabia cerik kene tusing ada artine.
Ngurah lantas mesuang isin karunge ane lenan.
Raksasa   : Apa dayan cai ane lenan?
Ngurah   : Astungkara niki manjur. buin cepok, sambel sere ABC.
Raksasa  : Aduhh ,, ngaap-ngaap.
Ditu langsung ada dui sane nebek-nebek I Raksasa. Disubane keto, I Raksasa tusing kenken. I Ngurah ketelahan daya ngarepin I Raksasa. I Ngurah nyemak penelas isin karunge. Saget ada jaum.
Ngurah   : Ne buin besik, astungkara manjur bin selamat. Jaum Super 76 Dji Sam Soe.
Raksasa  : aw, tulung. Sing nyak jani mati.
Sawentene nika, danu nyanyad mesahsah linggah. I Raksasa mejebak drika lantas keleb kerana tusing bisa ngelangi. Sakebedik danu nyayade dadi ening. Ditu lantas Ngurah miwah Dedari nyaksinin danu linggah sane ening.
Dedari : suksma bli, sampun dados tameng titiang.
Ngurah : Nggih Geg. Nika dados tugas tyange .. hehehe (sambil mejabatan tangan)
Sekat dinane mangkin I Ngurah miwah Ni Dedari dados pasangan bagia. Asapunika cerita ngutang kandic nuduk jaum. Pabesen sane rage polih inggih punika mesolah ne patut/becik sinah karmane masih becik. 
Yening polih iwang ring dramane punika, tyang jagi nunas ampura.
 Suksma, 
Om Santih, Santih, Santih, Om









Kasurat olih
Waca Selanturnyane ..
Subscribe to: Posts ( Atom )