Mangurangin Sampah Plastik ring Jagate Mangkin
Om Swastiastu,
Artikel Anyar, Parindikan
antuk sampah sampun dados imba unteng raos sane megumana (membutuhkan) pageh saking
angga diri soang-soang miwah masyarakat sekitar kerana sampah niki dados
parindikan rumit dwaning mekade
pencemaran air, pencemaran udara, miwah pencemaran tanah.
Yening
selehin antuk kruna ring KBBI, sampah madue arti “material sisa yang tidak diinginkan setelah berakhirnya suatu proses”.
Sampah yening sawentene keartiang manut ring derajat punapi irage mangolah. Manut
ring sifatnyane, sampah kakepah dados tigang soroh luir ipun sampah organik, sampah
anorganik miwah sampah B3. Sampah organik marupa sampah sane nyidayang terurai
antuk mikroorganisme utawi nyidayang berek (membusuk) malih sekadi sampah sisa
ajengan, don-donan, jangan (jukut), msl. Daweg ring sampah anorganik, sampah puniki sukil
(keweh) terurai, ngemolihang suwe dina terurai antuk mikroorganisme. Contone
makeasmi sampah plastik, kaca, kaleng, msl. Sampah B3 pateh teken sampah
anorganik nenten gelis terurai sakadi conto sampah medis, limbah pabrik, msl.
Parisolah
konsumtif miwah polah serba cepat (instan) ngawinan sampah plastik ring
Indonesia dados dominasi pencemaran lingkungan. Pencemaran sampah plastik nenten
prasida antuk ngemolihang pencemaran tanah, nanging pencemaran udara.
Pencemaran tanah malarapan antuk zat-zat kimia sampah plastik ngelikadang
aliran yeh ring tanah miwah manutupin pola udara. Nika mawinan yening tanah
kasusupin sampah plastik mekada tanah punika nenten subur/gersang.
Bahaya Sampah Plastik.
Gambar kaketus saking : intisari.grid.id
Sampah plastik ngebaktayang dampak
negatif kahatur ring urip manusa miwah lingkungan. Dampak bahaya sampah plastik
ten lianan sakadi ring sor :
- Menganggu rantai makanan. Pencemaran sampah plastik sareng ngerumrum organisme alit sekadi plankton ring jagate. Minakadi organisme plankton niki karacun antuk sampah plastik, ngeraris ekosistem sareng ten sehat.
- PCB (Polychlorinated bipheryl) sane nenten terurai yadiastun sampun kaserap antuk tatanduran (tanaman) miwah kapantet antuk buron jagi dados racun berantai manut ring ekosistem. Sane punapi iraga dados jadma nenten ngundebang minab mantuk ring rantai makanan ngajeng racun punika.
- Sampah plastik sane sukil terurai maderbe umur panjang, kalud sampah punika iing (ringan) jagi nyangsan (semakin) ingan materbangan mirib ngawinang pencemaran wewidangan sane lianan.
- Biota laut sakadi lumba-lumba, kurma, urang (udang), msl nganggep sampah/kantong plastik mamaan pamuputne ipun sinamian mati kerana nenten nyidayang mencerna.
- Ritatkala sato-sato (buron) punika mati mengamah sampah utawi kantong plastik, raris sampah punika tileh ring awaknyane nenten regreg (benyah/hancur) pamuputne dados bangke miwah dados racun antuk sato sane lianan.
- Ngasiugang sampah plastik sembarangan ring telabah, pangkung, tukad pacang ngawinang tukad punika deken lan masengsengin membahnyane minakadi ngawinang banjir ring musim hujan (alus: sabeh).
- Sampah plastik sane kabakar asep ne punikajagi mencemari lingkungan, sane napi kandungan asep punika wenten zat-zat dioksin yening kahirup ngawinang gangguan kesehatan sekadi gangguang sistem pernapasan, kanker, pembengkakan hati, msl.
- Panyumbatan aliran air kerana sampah plastik daods genah ngelimbakang daur hidup nyamuk miwah gumatat-gumitit sane mariceda (berbahaya) sakadi legu BDB lan malaria ngawinang menyambehang penyakit.
- Ngawinang kualitas toya ring wewidangane kadi kaon / nenten becik karena masumbat antuk sampah plastik sane akeh madeu bahan-bahan kimia sakadi Styrene Trimer, bispenol A, msl, ring napi meracuni toya sane dados air minum/mandi ring kahuripane mangkin.
Penanggulangan Sampah Plastik.
Gambar kaketus saking : recycleusainc.com
Penerapan
sistem 3R (Reuse, Reduce, miwah Recycle) dados solusi ngelimbakang lingkungan yening mengolah sampah
dados kompos utawi barang mawiguna. Ngelantur malih penerapan 3R niki taler
dados kalaksanayang sarahina. 3R niki kaiket saking Reuse, Reduce, miwah Recycle.
- Reduce
Gambar kaketus saking : grid.id
Reduce maderbe arti ngurangin
menganggen bahan-bahan sane prasida ngerusak lingkungan. Kruna Reduce taler mearti
mengurangin matumbasan barang-barang sane nenten sanget kaperluang sakadi
kewaca anyar (baju), aksesoris tambahan msl. Conto kegiatan “Reduce” sane
dados kalaksanayang sarahina :
- Mamilih produk sane makemasan dados kadaur ulang.
- Manyampingin/matumbasan produk sane mapikolih sampah jumlah besar.
- Menganggen produk sane nyidayang isi ulang (refiil).
- Mangurangin pengganggen bahan sekali pakai.
- Reuse
Gambar kaketus saking : liputan6.com/health/read/3009595
Reuse maderbe arti menganggen kembali barang-barang sane masi dados keanggen apang nenten
dados penumpukkan sampah ring sekitar lingkungan. Akeh sampah-sampah sane dados
keanggen kembali sakadi kaleng susu, botol minuman bekas, makesami dados
kemanfaatang manut ring kreativitas soang-soang.
- Mamilih wadah, kantong utawi aran sane dados kaanggen maulang-ulang. Penerapane luir ipun menganggen saputangan katimbang tisu. Mengganggen tas belanja mabahan kain katimbang nganggen kantong plastik.
- Mengganggen alat-alat elektronik yening manyurat katimbang nganggen kertas.
- Mengganggen kertas secara efisien.
- Recycle
Gambar kaketus saking : kanalindonesia.com
Recycle maderbe arti mendaur
ulang barang sane nenten bermanfaat dados barang pakai miwah maduwe kegunaan. Sane
paling elah nika daur ulang sampah organik dados kompos. Dwaning sampah
anorganik, nika manuntut daya kreativitas diri soang-soang.
- Mamilih produk lan kemasan sane dados kadaur ulang/mudah terurai.
- Mangolah sampah kertas koran utawi kertas sane lianan dados kerajinan polih nilai harga jual.
- Mangolah botol-botol/kaleng dados kerajinan pakai sekadi pot bunga, tempat pensil, talam, hiasan aksesoris, msl.
- Makta tas belanja sarahina.
Gambar kaketus saking : fitinline.com
- Makta Kotak Ajengan.
Gambar kaketus saking : blanja.com
- Mangurangin Pengangge Tisu basah.
Gambar kaketus saking : piknikdong.com
- Menganggen produk sane dikemas antuk beling kaca utawi karton.
Gambar kaketus saking : bukalapak.com
- Makta botol minuman soang-soang.
Gambar kaketus saking : liputan6.com/health/read/3009248
Katimbang semeton yening masalancaran utawi beraktivitas kasatan (bedak/haus) numbas toya ngemolihang botol minuman, lebih praktisnyane semeton makta soang-soang toya saking jero. Lianan teken mangurangin sampah plastik, niki antuk kebersihan air minum sane dados katayub (inem).
Tuah asapunika artikel sane jagi titiang kabaktayang. Yening wenten iwang titiang nunas kritik miwah tetimbang (saran) sane mangda ngewangun blog puniki. Surat kemanten ring kolom komentar ring sor utawi dados kontak titiang ring layanan chat ring blog puniki. Kirang langkung titiang nunas pangampura.
Om Santih, Santih, Santih, Om.
No comments :
Post a Comment